Maupay na aga sunshine.

Maupay nga aga sunshine. 


Kanina han aga, 19 Oct 2010
Piraw, piraw, piraw. Pirmi la ako piraw. Pero iba yna an natabo, aga ako nagmata. Mamiristi iton na boylet han tag-ada hini n bordinghauz na akon gin-uukyan, nagtuktok ha ak portahan para ipahibaro na waray pa ako magbayad yana nga bulan. 

Maaram ako, ayaw anay. Waray pa ako makapa-banko (oohhh tothyal!), waray ko pa liwat nacheck kun may sulod pa an ak ATM...hmmm mga rasones, siring nala waray ka na kwarta. Uy may ada pa gad liwat, eksakto p. 

Waray na ako makabalik katurog para han sumpay han ak maupay na inop. Ano na inop? Hi kuan, nakukuanay kunu kami. Hay ambot, ginpirit ko gad gihapon pero adto na lumupad na an kuanay ha akon dream vault. Talagsa nala ngani ako mag-inop yana hin kuanay, nawara pa. 

Bumuhat nala ako, gintapo liwat ako han ak mga malamiri na hugasan. Hageeee, niyan ko na kamo kakariguan kay mapaskuylahan pa ako. Guro kun nagyayakan pa an ak mga hugasan yayaknan gud ako: "hoyyy nga bayot ka hugasi na kami baga 4 days na!" 

Tsege makarigo anay ako. Baga madakmol na an ak mga arikdik ngan buring ha leog. Nabusy kasi han sportfest han nag-agi nga semana. Baga pirmi la ako pato nga nakarigo, lublobay la ha tubig. 


An ak gin-iiringan pirmi, baga humagkot man an tubig! Nilasooooooo. 

Quote for the day: Huwag kang ganun. kung ayaw mo ng ganun! (Nabatian ko la ha online radio streaming. Sosyal, diin ka malugar?!@#)

Hi Juan

Hi Juan

ha IA Hatchery, Institute of Aquaculture, College of Fisheries and Ocean Sciences, UP Visayas

Miagao, 5023 Iloilo

19 Oct 2010, quarter to 7pm

"Yaw gad pagdinali, baga ka man hit uwat!"

Siring ko hit ak kalugaringon

Adi na liwat it ak sakit -- an inapras na trabaho.

An gawas: dinali-dali.

"Hage, sagdi na gadla iton!"

Yakan han ak kahubya

Siring naman han usa: "upaya gad para waray problema."

Ha yana, hira na duwa it nagpupurok... 

ha ak huna-huna.

Dalia, ada na hi Juan. Makuri na'n maabtan!

(Ang Siday na ito ay naisulat sa aking pagmamadali na makauwi dahil sa masamang panahon na dulot ni Juan.)

PS. Juan, nga mamiristi ka! Kaupay gud an im pagpakalas. Guin tiupay mo gud pagbayo hit am atop ha hatchery. Naagi ka la, nangudyot ka pa han mga puno ha aragihan, guin upay mo gud paglunggong ngan pag-uy-og han mga puno han Kamonsil (=camachile). Nansasabrag ka pa han mga sanga-sanga anxa guin hahangus-hangos ak pagdalagan makauli la. Mamaratay ka! lol